Ads Top

Dari Balige Ke Siantar Naik Bus

Cerita Humor Batak
Cerita Humor Batak

Ingin Lucu - Di Sada Tingki, naeng lao ma si Kellap tu jabu ni tulangna di Siantar. Borhat sian Balige, dipataru Inangna ma ibana mangambat bus.

CERITA HUMOR LUCU BATAK

Kenek: "Siantttar!! Siantttar!! Siantttar!!"
Inangni si Kellap: "Ito, molo nga sahat hamu di Parapat, tolong jo paboa tu ibana da!" (Sambil manogu Si Kellap naek tu bus)
Kenek: "Parapat? Olo, boima i...; maju, tariiiik boo.!!!"

Mardalan ma bus i, kancang muse..

Di tongandalan disungkun si Kellap ma tu kenek i: "Ai nunga sahat hita di Parapat Lae??"
Kenek: "Daong.. Dao dope."
Dang sadia leleng nai disungkun si Kellap muse: "Nga sahat be hita di Parapat?"
Kenek: "Daooong, tenang ma ho!"

Sai torus ma disungkuni si Kellap kenek on, ala ni lojana gabe las tarpodom ibana. Mardalan do torus bus i dompak Siantar. Dung sahat di Tiga Dolok, baru pe diingot kenek i naung lewat do hape Parapat.

Marhusip ma kenek i tu supir: "Bah, bah, bah, bah! Maup ma hita.. Nga jea, ai naung dao do hape lewat Parapat."
Supir: "Boasa, aha na masa haroa?"
Kenek: "Nangkin didok inangna tu au, molo nga sahat di Parapat asa paboaon tu baoa an!"
Supir: "Baaahh... Ai na boha doho kedan?? Nga dao Parapat, aaakh!"

Untung ma olo supir i mamutar balik tu Parapat, jala olo do angka panumpang i ala asi roha nasida mangida si Kellap. Dung sahat di Parapat, didungoi kenek i ma si Kellap.

Kenek: "Lae, Lae.. Dungo ma hamu!! Nga sahat be hita di Parapat." (Huhut manghutur-hutur daging ni si Kellap)
Kellap: "Ai Nga sahat hita di Parapat??" (Humalaput ma ibana mambuka palastik, taridama indahan dohot gulamo)
Kenek: "Naeng turun dison do kan hamu Lae?"
Kellap: "Daong bah Lae, lao tu Siantar do au. Na didok Inang do nangkin, molo naeng mangan ho bukka ma indahanmi di Parapat...!"

Las markoor ma Kenek, Supir, dohot angka sewa ni bus mandok: "Ooohh.... botul do si kain lap goarmu! Nga maup be hita. Mengkel ma jolo hita ate."
    '; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
Diberdayakan oleh Blogger.